Испанийн хойд хэсгийн нэгэн тосгонд автомашиныхаа арын ачааны хөндийд урт цагаан ууттай зүйл хийж байгаа дүрс Google street view-д үлджээ. Google аппликэйшны тусламжтайгаар автомашинд суурилуулсан камераар эргэн тойрныг харж болдог. Цагдаа нар дээрх зургийн дагуу шалгалт явуулахад аллагын золиос болсон цогцсыг автомашинд ачиж байх үеийн зураг болж таарчээ. Өнгөрсөн оны аравдугаар сард нэг хүн сураггүй алга болсон, алуулсан байж болзошгүй хэрэгт хоёр хүнийг саатуулан шалгаж байсан. Алга болсон хүний мөчлүүлсэн цогцсыг өнгөрсөн долоо хоногт оршуулгын газраас олсон юм. Цагдаа Google Street View-д бичигдэж үлдсэн зургийг судлахад тэрхүү автомашин нь Тахуэко тосгонд сүүлийн 15 жилд үзэгдээгүй машин байсан аж. Жил гарны өмнө алга болоод саяхан цогцос нь олдсон хүн нь куба гаралтай, 33 настай залуу байжээ. Нэг хүнийг энэ хэрэгт сэжиглэн баривчилсан, мөрдөн шалгалт үргэлжилж байна.