Нийгэм
2025.02.07 16:47
2181Дамжин суух хөнгөлөлт эдлэхийн тулд буух бүртээ картаа дарна
Нийтийн тээврийн шинэчлэлийн хүрээнд ю-моней картаа уншуулахад эхний удаад 1000 төгрөг хасагдаад, дөрвөн удаа дамжин суух нь үнэ төлбөргүй болсон. Тэгвэл иргэдээс дарах бүрт мөнгө хасагдаж байна, хэрхэн үнэ төлбөргүй дамжин суух вэ гэх асуулт тавьж байна.
02/01-ээс Дамжин суух хөнгөлөлтийг хэрхэн эдлэх вэ?
-Нийтийн тээврээр үйлчлүүлэхдээ Umoney карт эсвэл Банктай хамтарсан Umoney карттай байх.
-Банктай хамтарсан карт мөн эсэхийг шалгахдаа банкны картын ард байрлах 1615-аар эхэлсэн 16 орон бүхий Umoney картын дугаар байгаа эсэхийг шалгана.
-Umoney картаа цэнэглэнэ. Банктай хамтарсан карт бол дансандаа 5000-аас дээш төгрөгтэй байх.
- Автобусанд суухдаа Umoney төхөөрөмжид картаа дарах.
- Автобуснаас БУУХ БҮРДЭЭ Umoney төхөөрөмжид картаа дарах.
-1 удаа төлбөр төлж тухайн өдөртөө 3 удаа дамжин суух боломжтой.
Umoney картаар 2 ба түүнээс дээш хүн хамт зорчих тохиолдолд хэрхэн дамжин суух вэ?
- Автобусанд суухдаа жолоочид хэдэн зорчигч байгааг хэлнэ. Жишээ нь: 1 том хүн 1 хүүхэд гэх мэт.
- Жолооч төхөөрөмжид зорчигчийн тоог тохируулсны дараа Umoney картаа дарна.
- Буухдаа төхөөрөмжид даран бууна.
- Дамжин суухдаа анх зорчсон зорчигчийн тоог жолоочид хэлэн тохиргоо хийлгүүлнэ. Жишээ нь: Хамт зорчиж байгаа хүн байхгүй байсан ч анх зорчсон зорчигчийн тоо буюу 1 том 1 хүүхэд гэх мэт зорчигчийн тоог жолоочид хэлж, тохиргоо хийлгүүлнэ.
- Тохиргоо хийсний дараа Umoney картаа дарж дамжин сууна.
- Дамжин суухын тулд БУУХ БҮРДЭЭ картаа дарж буухыг анхаарна уу.
