Цагаан сарын амралттай холбоотой цаг үеийн асуудлаар Боловсролын сайд П.Наранбаяр мэдээлэл хийлээ. Тэрээр " 2024-2025 оны хичээлийн жил гурван улирлын бүтэцтэйгээр хичээллэсэн. Энэ нь олон жилийн томуу өвчний дэгдэлтийг тооцсон. 12-р сард хамгийн их хүйтэрдэг хүйтрэлийн онцлогийг харгалзан үзсэн. Ирэх хичээлийн жилд буюу 2025-2026 онд мөн л гурван улирлын бүтэцтэй байна. Бага сургууль 12 дугаар сарын 15-наас амарч, нэгдүгээр сарын 26-ны даваа гарагт хичээл эхлэх төлөвлөлтийг хийлээ. Зургаан долоо хоног амрах нөхцлийг бий болгож байна.  Ингэснээр түгжрэл буурч, ханиад томууны дэгдэлт багасах юм. Үүнтэй уялдуулж, эцэг эхийн амралтыг зохицуулах дотооддоо амрах ялдаа холбоог бусад яамдууд хийнэ. Дунд, ахлах сургуулиуд долоо хоногийн дараа  таван долоо хоног амарна.  Харин зуны амралтыг долоо хоногоор сунаж байна. Энэ нь зургадугаар сарын 8-12-ны өдөрт тохиож байгаа. Орон нутгийн тухайд мал төллөх үеэр долоо хоног илүү амрах зохицуулалт хийж байгаа. 

 

Хоцрогдлыг арилгахад 2-3 жил шаардлагатай. Ялангуяа унших, уншаад ойлгох чадварыг сайжруулах шаардлагатай байна.  Пеорсон хөтөлбөр маш сайн хөтөлбөр. 12-р ангиа төгсөхдөө сурагчид англи хэлний хангалттай оноо авч төгсөнө. Хөдөөгийн сургуулийн сурагчид анги дотроо англиар, ангиас гараад монголоор ярьж байна. Орон нутгийн сургуультай танилцаж явахад сурагчид англиар ярьж байна. Энэ хөтөлбөрийн дүнд багш хөгжиж байна. Сурагчийн ном, шалтгалт бэлэн байгаагаас сурагч, багштай хамт хөгжих боломж байна. Өнөөдөр 4500 багш англи хэл зааж байгаагаас багшийн чадварыг дээшлүүлэх шаардлага байгаа. Энэ хүрээнд алслагдсан аймгийн багшийг чадавхжуулах хөтөлбөрийг эхлүүлж байгаа. 

Багш хүүхдийн эрх чөлөөнд халдсан тохиолдол бүр дээр бид арга хэмжээ авч байгаа. Цаашид багшийн ёс зүйн асуудал байхгүй болох ёстой. Иймээс зургадугаар сард амралт эхлэхтэй зэрэгцэн багш нарт чиглэсэн сургалт явуулна" гэлээ.