Б.Нарангоо
Ерөнхий редактор
Гадаад мэдээ
2025.03.06 10:17
1697
1.5 сая жилийн настай ясан зэвсэг олджээ


Францын Бордогийн их сургуулийн археологчид Танзанийн хойд хэсгийн Нгоронгоро дархан цаазат газрын Олдувай хавцалаас 1.5 сая жилийн өмнө хэрэглэж байсан ясан зэвсэг, хутга олжээ. Энэ олдвор нь дэлхийн хамгийн эртний зэвсэгт тооцогдож байна хэмээн шинжлэх ухааны Nature сэтгүүлд бичжээ. Олдувай хавцалаас нийт 27 эд хэрэгсэл олдсон байна. 20-40 см урттай, зарим нь нэг кг хүртэл жинтэй байв. Эртний хүмүүс хатуу, бат бөх чанараар ялгардаг заан болон усны үхрийн ясыг ашиглан зэвсэг хийдэг байсан аж. Танзаниас олдсон ясан хутга нь том амьтны махыг эвдэж, жижиглэхэд ашиглагддаг байсан хэмээн үзэж байна. Шинэ олдвор хүний өвөг эцгийн ясан зэвсгийн түүхийг шинэ шатанд гаргасныг онцлон тэмдэглэж байна. Дээрх зэвсгийг илрүүлэх хүртэл ясан зэвсгийг 500 мянган жилийн настай хэмээн үзэж байв.  
Эртний хүмүүс яс, чулууг боловсруулж хутга, сүх хийж байсныг Танзанийн олдвор дахин баталжээ. Саяхан Иракийн нутгаас 1.5 сая жилийн өмнө хэрэглэж байсан чулуун сүхнүүд олдсон билээ. 1960 онд Олдувай хавцалаас орчин үеийн хүний (Homo sapiens)  өвөг эцэг хэмээн үздэг Homo erectus-ийн араг ясны хэсгийг олж байв.