Европын клубүүдийн хоорондох хамгийн том тэмцээн Аваргуудын лигийн хасагдах шатны тоглолт эхэллээ. 
Францын ПСЖ талбай дээр Английн Ливерпүүлийг хүлээн авч 90 минутын турш илт давамгай бөмбөг эзэмшиж, довтолж тоглосон ч 86 дахь минутад Мо Салахыг суулгаж талбайд орж ирсэн Харви Эллиот 87 минутад гоол оруулж англичууд 0-1 харьцаагаар хожлоо. Бенфикагийн талбайд зочилсон Барселона мөн 0-1 харьцаагаар өрсөлдөгчөө буулгаж авлаа. Барсагийн хамгаалагч Кубарси 22 дахь минутад улаан хуудас авч хөөгдсөн ч Каталоны клуб Рафиньагийн гоолоор хожжээ. 
Бусад тоглолтын дүнг танилцуулбал:
Фейенорд – Интер 0-2
Байерн Мюнхен – Байер Леверкузен 3-0
Брюж – Астон Вилла 1-3
Боруссиа – Лилль 1-1
Эйндховен – Арсенал 1-7
Реал Мадрид – Атлетико Мадрид 2-1

Хариу тоглолт долоо хоногийн дараа болно. 
Хасагдах шатанд үлдсэн баг бүр 11 сая еврогийн шагнал авч байгаа. Сүүлчийн наймд үлдвэл 12.5 сая евро, хагас шигшээд үлдвэл 15 сая еврогийн шагнал авна.