АНУ-ын Флорида мужийн Орландо хотод 32 настай Жэйтан Гилдер хэмээх залуу үнэт эдлэлийн Tiffany & Co дэлгүүрт орж өөрийгөө мэргэжлийн тамирчин хэмээн танилцуулж байгаад өндөр үнэтэй хэд хэдэн ээмэг, бөгж гаргуулж үзжээ. Дүр эсгэсэн хулгайч үнэтэй барааг баахан сонжиж байгаад гарахдаа 769 мянган долларын үнэтэй хос ээмэг, мөн алмааз шигтгээтэй бөгж хулгайлж амжсан байлаа. Гэвч дэлгүүрээс гарахаас өмнө бөгжөө унагаад илчлэгдсэний дараа гарч зугтсан аж. 
Цагдаа нар араас нь хөөж барьж авахад хулгайлагдсан ээмэг гарч ирсэнгүй. Сэжигтнийг эмнэлэгт авчирч рентнген зургаар цээжийг нь харахад тэрээр үнэтэй ээмгийг залгисан нь тодорхой болжээ. Ходоодны харалдаа ээмэг харагдаж байв. Гэвч 769 мянган долларын үнэтэй ээмгийг Гилдерийн ходоодноос гаргаж авсан эсэхийг цагдаа нар мэдээлсэнгүй. Тэрээр мөн 2022 онд Техасын Tiffany & Co дэлгүүрээс үнэт эдлэл хулгайлж байгаад баригдаж байсан аж. Түүнийг 100 мянган доллараас үнэтэй зүйл хулгайлсан хэмээн цагдаагийн газраас хэрэг үүсгэсэн ч шүүх дээр нотлогдох өөрийгөө хүртэл гэм буруугүй хэмээн мэлзсээр байсан аж.