Б.Нарангоо
Ерөнхий редактор
Гадаад мэдээ
2025.03.06 14:11
1780
А.Овечкин Уэйна Гретцкийн амжилтыг эвдлээ


“Вашингтон капиталз” өчигдөр “Нью Йорк рейнжерс”-ийг нэмэлт цагт 3:2 хожиход орос залуу Александр Овечкин тэнцээний хоёр дахь шайбыг оруулжээ. Ийнхүү тэрээр ялсан тоглолтод 636 удаа гоол оруулсан амжилтаар домогт Уэйн Гретцкийг гүйцлээ. Овечкин NHL-ийн замналд оруулсан гоолоо 885 болгож мөн л Гретцкийн нэр дээр байдаг хамгийн  агуу амжилтыг эвдэхэд есөн гоол дутуу болов. Улирлын тоглолт дуусахад 18 тоглолт үлдээд байгаа.
NHL-ийн дорнод бүсийг “Вашингтон капиталз” 88 оноогоор тэргүүлж, “Торонто мэйпл ливз” 79 оноогоор удаалж байна. Овечкины баг дараагийн тоглолтоо гуравдугаар сарын 8-нд “Детройт ред вингз”-ийн эсрэг хийнэ. 
Эдүгээ 39 настай Александр Овечкин Үндэсний хоккейн лигийн (NHL) “Вашингтон капиталз” багт 20 жил тоглож байна. 2018 онд Стэнлийн цомын аварга болоход домогт Уэйн Гретцки түүнд цохиураа бэлэглэж байжээ. “Намайг Стэнлийн цомд түрүүлбэл цохиураа бэлэглэнэ гэж Гретцки надад хэлж байсан. Тэгээд би Стэнлийн цомд түрүүлчихээд “Миний цохиур хаана байна” гэж түүнээс асуусан” хэмээн орос довтлогч дурсан ярьжээ.