Нийслэлийн Хүүхэд, гэр бүлийн хөгжил хамгааллын газар болон Харилцаа холбооны зохицуулах хороо, Кибер гэмт хэрэгтэй тэмцэх газартай хамтран "Цахим орчин дах хүүхэд хамгаалал" сэдэвт сургалтыг зохион байгууллаа. Сургалтын үеэр Хүүхэд, гэр бүлийн хамгааллын хэлтсийн дарга Х.Оюунтуяа Хүүхэд хамгааллын тухай хуулийн шинэчилсэн найруулга танилцуулсан юм. 

Тэрээр "Монгол улсын хүн амын 1,2 сая орчим нь өсвөр насны хүүхдүүд байдаг. Эдгээр хүүхдүүдийн 74 орчим хувь нь тогтмол цахим орчинд идэхтэй байдаг учраас үүнийг дагасан эрсдэл нэмэгдэж байна. Үүний 65 хувь нь эмэгтэй, 55 хувь нь эрэгтэй хүүхдүүд байна. 

2023 онд цахим хэрэглээтэй холбоотой 600 орчим  гэмт хэрэг бүртгэгдсэн. Хүүхэд бие махбод болон сэтгэл санаагаар дээрэлхэлтэд өртдөг учраас үе тэнгийн дээрэлхэлтийг хуульчилсан. Тэр дундаа боловсролын салбарын хүүхэд хамгааллын асуудлыг илүү нарийвчилж тусгасан.

Шинэчилсэн найруулгын эцэг эх асран хамгаалагчид хамааралтай хийсэн зохицуулалт бол хүүхэд үе тэнгийн дарамтад өртсөн, өртүүлсэн тохиолдолд эцэг эхийн хамт сургалтад хамруулах, мөн 16 наснаас доош насны хүүхэд цахим орчинд бусдадаа хор хөнөөл учруулсан тохиолдолд эцэг эх, асран хамгаалагчид хариуцлага хүлээлгэнэ.

Мөн эцэг эх хүүхдийнхээ нэр төрд халдсан, тодорхой эрсдэл үүссэн тохиолдолд эцэг эх асран хамгаалагчийг 500 нэгжтэй тэмцэх дүнгээр, ААН байгууллагыг 5000 нэгжтэй дүйцэх хэмжээний мөнгөн дүнгээр торгоно.

Насанд хүрэгчид өөрсдөө цахим орчинд зөв үлгэр дуурайлал үзүүлж, цахим хэрэглээг нь хянахыг уриалж байна" гэв. 

Шууд дамжуулалтыг үзэх: