Сүүлийн 24 цагийн дотор улаанбурхан өвчний 21 тохиолдол шинээр батлагдсан. Харин Өмнөговь, Дундговь аймгууд ерөнхий боловсролын сургуулийн хичээлийг цахимд шилжүүлээд байгаа. Гэвч дээр үйлдлийг Боловсролын сайд П.Наранбаяр хууль бус гэж үзэж байгаа гэлээ. Тиймээс тус асуудлын талаар тодрууллаа.

П.Наранбаяр Боловсролын сайд: Сургууль хаана гэсэн ямар ч зөвлөмж гараагүй үед Дундговь, Өмнөговийн засаг дарга нар цахимд шилжүүлсэн нь хууль зөрчсөн гэж үзэж байна. Бид чиглэлээ өгсөн. Хичээлийн үйл ажиллагаа хэвийн болгох чиг өгсөн. 

Эрүүл мэндийн яамны дүгнэлтийг харна. Мэдээж УОК-той ярилцаж, цаашид ямар арга хэмжээ авахаа шийднэ. 

Дэлхийн эрүүл мэндийн байгууллагаас манай улсыг 2 тун вакцинд хамрагдсан, хамрагдалт сайн орон гэх дүгнэлт гаргасан. 

Сурагчдын хичээлийг сүүлийн 10 гаруй жил ямар нэгэн шалтгаанаар хааж ирсэн. Янз бүрийн байдлаар цахим руу шилжүүлж ирсэн. Тиймээс энэ байдалд бид цэг тавих цаг болсон. Хичээл сургуулийг номер нэгт тавьдаг байдал руу орох ёстой. 

Өмнөговь, Дундговь аймгууд ерөнхий боловсролын сургуулийн хичээлийг цахимд шилжүүлсэн тогтоол хууль бус учир хүчингүй болгосон. 

Шууд дамжуулалт: