Дөнгөж сая буюу 2025 оны 3-р сарын 18-ны орой YouTube суваг "Гаросэро судалгааны хүрээлэн"-гээс Ким Сү Хён жүжигчний харъяалагддаг "Gold medalist" агентлагийн өнөөдөр гаргасан албан ёсны байр суурийн эсрэг мэдээлэл хийлээ. 

"2018 оны 8-р сарын 13-нд ахлах сургуулийн 2-р ангийн сурагч Ким Сэрон жүжигчин Ким Сү Хёнд мессеж илгээж байсан" хэмээн мэдээлж, тухайн үед тэдний харилцсан гэх мессежийн зургийг нийтэд ил болгов.

"Гаросэро" youtuber "Ким Сү Хён түүнд 'яаралтайгаар КакаоТок-оо устгаад, шинэ утаснаас Телеграмаар холбоо барь' гэж хэлж байсан. Энэ нөхцөл байдлын талаар Ким Сэрон жүжигчин гэр бүлдээ нарийвчлан тайлбарлаж өгсөн гэдэг. Ийм байхад одоо ч 2015 оноос хойш үерхээгүй гэж хэлэх үү?" хэмээн мэдэгдэв.

Мөн тэрээр "Энэ нь үнэхээр ахлах сургуулийн сурагч болон насанд хүрсэн хүний энгийн харилцан яриа гэж харагдаж байна уу? Яагаад яаралтай КакаоТок-оо устгаад, шинэ утаснаас Телеграмаар холбогдох шаардлагатай байсан юм бол? Нууц харилцаа үүсгэхийг хүссэн хэрэг үү?" хэмээн асуусан байна.

Тэрээр цааш нь хэлэхдээ "Талийгаач Ким Сэрон жүжигчний гэр бүл ердөө ганцхан зүйлийг хүсэж байна. Тэр бол Ким Сэрон жүжигчин болон түүний гэр өүлийнхнээс чин сэтгэлээсээ уучлал гуйх явдал юм."  хэмээн тэдний гэр бүлийн байр суурийг илэрхийлэв.

Хэрэг явдлыг нэхэн санавал өнгөрөгч 2-р сарын 16-ны өдөр Ким Сэрон нас барсан тухай мэдээлэл цацагдсан. 

Үүний дараа 3-р сарын 10-нд Ким Сү Хён нь Ким Сэронтой түүнийг насанд хүрээгүй байхаас нь үерхэж байсан гэх маргаан гарч ирсэн. Мөн Ким Сэрон нь согтуугаар тээврийн хэрэгсэл жолоодсон ослын дараа Ким Су Хёний харьяалагддаг агентлагаас 7 тэрбум воны нөхөн төлбөр шаардаж, амьжиргааны хүнд нөхцөлд орсон гэх мэдээлэл гарсан.

Гэсэн хэдий ч Ким Сү Хёний харъяалагддаг “Gold Medalist” агентлаг уг мэдээллийг няцааж, тэд зөвхөн насанд хүрснээсээ хойш үерхсэн бөгөөд санхүүгийн хувьд туслалцаагүй орхиогүй гэж мэдэгдэж байсан. 

Ким Сэрон насаныг хүрээгүй байхад нь үерхээгүй гэж мэдэгдэж буй Ким Сү Хён болон үүнийг үгүйсгэн нотлох баримтуудыг дэлгэж буй гэр бүлийн байр суурь зөрчилдөж байгаа тул энэ маргаан цаашид үргэлжлэх төлөвтэй байна.