Disney+ томоохон хэмжээний гэрээний торгууль ногдуулж магадгүй. Хэрэв тэгвэл Солонгосын хамгийн өндөр үнэлгээтэй жүжигчин Ким Сү Хён дампуурлаа зарлахад хүрнэ.

Ким Сү Хён нь Disney+ платформын оргинал цуврал болох "Knock-Off"-ын 1-р улирлыг дуусгаж, 2-р улирлын зураг авалтад бэлдэж байна. Энэхүү бүтээл нь tvN сувгийн "Нулимсны хатан хаан" кинонд хамт тоглосон жүжигчин Ким Жи Вонтой дахин хамтран ажиллаж буй төсөл юм. 

Тус бүтээлийн нийт төсөв 600 тэрбум вон бөгөөд 1, 2-р бүлгийн зураг авалтыг дуусгасны дараа энэ оны эхний хагаст 1-р бүлэг, хоёрдугаар хагаст 2-р бүлгийг цацахаар төлөвлөж байгаа. 

Гэвч Ким Сү Хён талийгаач Ким Сэронтой насанд хүрээгүй байхад нь үерхэж байсан гэх мэдээлэл, мөн түүнийг согтуугаар машин жолоодсон хэргийн дараа 7 тэрбум воны нөхөн төлбөрийн дарамт үзүүлсэн гэх асуудал дэгдсэн нь уг төслийн ирээдүйг бүрхэг болгож байна.

Ийнхүү асуудал улам даамжирснаар Disney+ Ким Сү Хёнд их хэмжээний нөхөн төлбөр ногдуулах магадлалтай болсон.

Олон улсын хэмжээний энтертайнмент компаниуд гэрээ байгуулахдаа "Нэр хүндийг хамгаалах заалт" оруулдаг. Энэ нь хэрэв жүжигчин ямар нэгэн шуугиант хэрэгт холбогдвол тухайн уран бүтээл, брэндийн нэр хүндэд сөргөөр нөлөөлөх тул торгууль төлөх үүрэг хүлээдэг гэсэн үг.

🔹 "Knock-Off" цувралын төсөв 600 тэрбум вон
🔹 Ким Сү Хёны 1 ангийн тоглолтын хөлс 5-8 тэрбум вон
🔹 8 ангийн нийт хөлс 50 тэрбум воноос давна гэж тооцоолж буй.

Хэрэв Disney+ шүүхээр заргалдвал Ким Сү Хён зөвхөн тоглолтын хөлсөө буцааж өгөхөөс гадна зураг авалтын саатал болон цацагдаагүйгээс үүсэх хохирлыг ч нэмж төлөх болж болзошгүй.

Олон улсын жишигт жүжигчний асуудлаас болж хохирсон тохиолдолд нийт төсвийн 20-30 хувьтай тэнцэх хэмжээний нөхөн төлбөр нэхэмжилдэг тул Disney+ Ким Сү Хёнд хэдэн зуун тэрбум воны торгууль тавих боломжтой.

Үүнээс гадна Ким Сү Хён одоогоор Shinhan Bank, Homeplus, Prada, Jo Malone, Cuckoo зэрэг 15 брэндийн нүүр царай болж байгаа бөгөөд Disney+ хэрэв шүүхэд хандах юм бол эдгээр брэндүүд ч мөн адил ижил арга хэмжээ авах магадлалтай.

Дэлхийн стриминг платформ жүжигчнийг шүүхэд өгвөл юу болох вэ? Энэхүү асуудал Ким Сү Хёны хувьд ноцтой нөхцөл байдлыг үүсгэж байна. Учир нь өмнө нь ижил төрлийн хэрэг гарч байжээ.

🔹 2018 онд Netflix алдарт жүжигчин Кевин Спэйси (Kevin Spacey)-г шүүхэд өгсөн.
🔹 Тэрээр "House of Cards" цувралын гол дүрээс хасагдсан.
🔹 Netflix шүүхэд ялалт байгуулж, Кевин Спэйси 3,000,000,000 доллар (390 тэрбум вон)-ын нөхөн төлбөр төлөх шийтгэл авсан.
🔹 Үүнээс болж Кевин Спэйси өөрийн хувийн үл хөдлөх хөрөнгөө борлуулж, дампуурлын ирмэгт хүрсэн.

Ким Сү Хёны хариу үйлдэл, Disney+ -ийн шийдвэр юу байх вэ? Одоогоор Ким Сү Хён энэ асуудлыг хэрхэн шийдвэрлэх талаар тодорхой байр суурь илэрхийлээгүй байна.

Гэвч Disney+ нь Netflix мэт дэлхийд нэр хүндтэй платформын нэг тул хуулийн дагуу нөхөн төлбөр нэхэмжлэх магадлал өндөр гэж үзэж байгаа аж.

Шийдвэр хэрхэн гарах нь Ким Сү Хёны ирээдүйн карьерт асар их нөлөө үзүүлэх нь тодорхой.