Хууль зүйн сайд О.Алтангэрэл “Ноорог” сайттай холбоотой асуудлаар мэдээлэл хийлээ. 

Тэрээр "Хувь хүний нууцтай холбоотой асуудал яригдаж байгаа учраас дэлгэрэнгүй мэдээлэл өгөх боломжгүй. Гэхдээ шалгагдаж байгаа нэр бүхий хүмүүс 2024 оны 6 болон 9 дүгээр сараас хойш эрүүгийн хуулийн тусгай ангийн зүйл ангиудаар одоо хүртэл шалгагдаж байна. Гэнэт болсон үйл явдал биш, цагдаагийн байгууллага улс төрийн захиалгаар ажиллаж байна гэж байгаа бол тогтоох хэрэгтэй. 

Цагдаагийн байгууллагаас өгсөн мэдээлэлд буруу ташаа зүйл байх юм бол өөрсдөө эрүүгийн хариуцлага хүлээдэг учраас хуульд заасны дагуу л мэдээлэл өгсөн гэж ойлгож болно. 

Баривчилгааны ажил огт болоогүй, прокурорын зөвшөөрөлтэй явагддаг ажил. Эд хэрэгсэлд нь үзлэг хийсэн, баримтжуулсан үйл ажиллагаа явуулсан. Хэвлэн нийтлэх эрх чөлөөнд нь халдсан байна уу? гэдэгт анхаарч ажиллаж байгаа. 

Өмгөөлөгч нар нь гомдлоо гаргаад шалгуулах ёстой. Мэдээж хэрэг цагдаагийн алба хаагчид буруу зүйл хийсэн бол хариуцлага хүлээлгэнэ. 

Прокурор руу хойшлуулшгүй ажиллагаа явуулах гэж байна гэдгээ цагдаагийн байгууллага мэдэгдсэн. Хүнийг прокурорын зөвшөөрөлгүй баривчлах юм бол маш том гэмт хэрэг.