УИХ-ын сонгуулиар MCS компаниас хандив авсан УИХ-ын гишүүдээс Ухаа-Худаг ордын 34-50 хувийг төрд авах асуудалд ямар байр суурьтай байгааг тодрууллаа.

Гадаад харилцааны сайд Б.Батцэцэг: "MCS компанийн удирдлагыг танина. Нууж хаах зүйл байхгүй. УИХ-ын сонгуулийн үеэр надад хандив өгснийг нь хэвлэлүүд мэдээлэх үеэр л мэдлээ. Нээлттэй хандивын дансанд маань хандив шилжүүлсэн, ямар нэг зөрчил илрээгүй.

Тус компани надад 170 сая төгрөг хандивласан байна лээ. Баярлалаа ч гэж хэлээгүй. Одоо баярлалаа гэж хэлье" гэв. Тэрээр Энержи ресурсын мэдэлд байгаа Ухаа-Худаг ордыг төрд авах асуудалд байр сууриа илэрхийлсэнгүй.