Монгол хүний оюунд хөрөнгө оруулъя уриатай дотоодын хамгийн том аудио номын платформ “Zangia Audio”-оос санаачлан Боловсролын яамтай хамтран улсын хэмжээн дэх бүх ерөнхий боловсролын сургуулийн дунд, ахлах ангийн сурагчдын дунд “Номын чимээ” уралдааныг зохион байгуулж байна.
Сүүлийн үед өсвөр насны хүүхдүүдээс гадна насанд хүрэгчдийн хувьд ч цаасан ном унших цаг улам багассаар байгаа билээ. Тиймээс технологийн дэвшлийг даган өөрчлөгдөж буй энэхүү хэрэгцээнд тааруулсан аудио номын платформууд нь дэлхий нийтийн чиг хандлага болоод удаж байна. Иймд хүүхдийг өсвөр наснаас нь эхлэн аудио хэлбэрээр номд дуртай болгох, унших, сонсох дадлыг хэвшүүлэх нь хамгийн чухал болоод байна. Энэхүү уралдаан нь ЕБС-ийн зөвхөн дунд, ахлах ангийн Уран зохиолын хичээлийн агуулгад орсон заавал судлах Ардын аман зохиол, Монгол болон Гадаадын уран зохиол, хүүхдийн зохиол зэрэг 500 гаруй аудио номыг сонсгох бөгөөд анги тус бүр тэмцээний хугацаанд хамгийн их ном сонссоноороо өрсөлдөх юм. Ингэснээр хүүхдүүд үндэсний соёл уламжлалаа, өв соёлоо танин мэдэх, дэлхийн сонгодог уран зохиолуудтай танилцах юм.
Уралдааны журам
-Оролцох сурагч “Зангиа Аудио” платформд бүртгүүлж, “НОМЫН ЧИМЭЭ” хуудсанд байршиж буй номуудаас сонсож оролцоно.
-Ангийн багш “Зангиа Аудио” веб хуудаст нэвтэрч, “Багшийн булан” хэсэгт өөрийн ангийн хүүхдийн овог нэр, утасны дугаарыг бүртгүүлэн ангиа нээнэ.
СУПЕР ШАГНАЛ : 6-12 дугаар ангиас 1,2,3-р байр эзэлсэн нийт 21 анги тус бүрд NOTEBOOK гардуулна.
1-р байр : Хамгийн олон цаг ном сонссон 1-р байр эзэлсэн 6-12 дугаар анги тус бүрийн сурагч бүрд 100,000 / Зуун мянган/ дүнгээр “ Зангиа аудио” платформоос төлбөртэй ном сонсох эрхийн бичиг бэлэглэнэ.
2-р байр: Хамгийн олон цаг ном сонссон 2-р байр эзэлсэн 6-12 дугаар анги тус бүрийн сурагч бүрд 60,000 / Жаран мянган/ дүнгээр “ Зангиа аудио” платформоос төлбөртэй ном сонсох эрхийн бичиг бэлэглэнэ.
3-р байр: Хамгийн олон цаг сонссон 3-р байр эзэлсэн 6-12 дугаар анги тус бүрийн сурагч бүрд 30,000 / Гучин мянган/ дүнгээр “ Зангиа аудио” платформоос төлбөртэй ном сонсох эрхийн бичиг бэлэглэнэ.
Мэдээлэл авах утас : 9999-3740
Мэйл хаяг : audio@zangia.mn
Уралдаанд оролцох багш нар доорх холбоосоор бүртгүүлнэ үү.