УИХ-ын чуулганы нэгдсэн хуралдаанаар ЗГХЭГ-ын дарга Н.Учрал стратегийн ордуудтай холбоотойгоор асуултад хариуллаа. 

Тэрээр "18 жилийн хугацаанд 39 стратегийн ордуудыг гадаадын иргэдэд зарж, ашиг хонжоо олсон оффшорт аваачиж хийсэн. 18 жилийн хугацаанд баялагтаа эзэн болох боломж байсан. 

Хүүхэд сургуулиа төгсөөд цэрэгт явж байх хугацаа шүү дээ. Үүн дээр хэлэлцээр хийж байгаа, хэлэлцээр гэдэг бол хэрүүл биш, тулган шаардалт бас биш шүү. 

Ширээний ард суугаад 50+1 байгалийн баялгийг ард түмэн эзэмшүүлнэ гэдэг заалтыг хангуулах ажил. 39 стратегийн ордыг эргээд харахад, хэлэлцээр хийхэд их төвөг учирна. Энэ танхимд сууж байгаа хүмүүсийн манлайлал хэрэгтэй гэж бодож байна. 

Ерөнхийлөгч асан Х.Баттулга хөдөө, орон нутгаар үндэсний баялгийн сангаа авъя, иргэдэд 34-50 хувийг эзэмшүүлье гээд явж байгаа. Үгээрээ биш үйлдлээрээ үзүүлэх хэрэгтэй. Х.Баттулга гишүүнтэй нэр холбогддог "Төгрөг" нуурын ордыг ярих цаг болсон.

Тэр орд 250 сая ам.доллараар 4 гадаадын иргэнд зарагдсан. Хонконгийн сайт дээр байна" гэв.