Багануур дүүрэгт Метилийн спиртэд хордсоны улмаас нэг иргэн амиа алдсан гэх мэдээллийн дагуу НЦУГ-аас тодрууллаа. 

НЦУГ-ын ахлах мэргэжилтэн, цагдаагийн хошууч С.Баярбилэг: "Багануур дүүргийн ЭМТ-өөс 2025 оны гуравдугаар сарын 28-ны өдрийн 13:00 цагийн үед хордлогод орсон байж болзошгүй хоёр иргэн ирж эмчилгээ хийлгээд нэг иргэн нас барсан тухай мэдээллийг өгсөн. Мэдээллийн хүрээнд мөрдөн шалгах ажиллагааг үргэлжлүүлж байна.

Урьдчилсан байдлаар Багануур ХК-д ажилладаг болохыг тогтоосон. Тухайн компани болон эрүүл мэндийн байгууллагын зүгээс метилийн спирт байх магадлалтай гэдэг мэдээллийг өгсөн. Гэхдээ цагдаагийн байгууллагаас шалгалтын ажил дууссаны дараа шалтгаан нөхцөлийг тогтооно.

Эрүүл мэндийн яамнаас өгсөн мэдээллээр хоёр иргэн амь насаа алдсан гэсэн боловч манай НЦУГ-т ирсэн мэдээллээр нэг иргэн амь насаа алдсан. Шалгалт хуулийн дагуу үргэлжилнэ" гэв.

Шууд дамжуулалтыг үзэх: