УИХ-ын гишүүн П.Сайнзориг төрийн бүтэцтэй холбоотой асуудлаар байр сууриа илэрхийллээ.

Тэрээр "Төрийг бүтээмж өндөртэй, цомхон чадварлаг хүмүүсээр бүрдүүлж, төрийн өмчит компаниудыг цомхон бүтэцтэй болгоно гэсэн болохоос биш өргөжүүлнэ гээгүй.  Гурван нам хамтрал нэрээр шинэ албан тушаал бий болгож, хууль зөрчиж энэ бүтцүүдийг бий болгоод байгаа юм биш биз гэсэн хардлага байна. 

Өндөр цалинтай юу ч хийдэггүй яамд уруу утас цохидог баахан дарга нар бий болсон байна. Хүний хийсэн ажлуудыг сайд дарга нар луу барьж гүйдэг. Энэ нь төрийн хэмнэлтийн хуульд нийцэж байна уу? Мөн төрийн бүтээмжийн менежер, төрийн хяналтын менежер гэх албан тушаал бий болгож байгаа нь төрийн хэмнэлтийн хуулийг зөрчиж байна. 

Хуулиар 40 орчим зөвлөл, хороо ажилладаг. Хуульгүй 15 салбар бий. Бүтээмжийн менежер гэх 40 орчим хүнийг томилсон байна. Цаашдаа ч нэмэгдэж магадгүй учраас Ерөнхий сайдад асуулт тавьсан. 14 хоногийн хугацаанд эргэж хариу өгөх ёстой" гэв.

Шууд дамжуулалтыг үзэх: