ХХААХҮ-ийн сайд Ж.Энхбаяр хөдөө аж ахуйн салбарын нөхцөл байдлын талаар мэдээлэл өглөө. 

Тэрээр "Манай улс жилд 65 мянган тонн импортын ногоо авч хэрэглэдэг. Энэ тоо тасралтгүй багасаж, манай улсын төмс, хүнсний ногооны тарилт, ургацын хэмжээ тасралтгүй өсч байгаа. Мөн малын тэжээлийг өргөн хэмжээнд хийнэ. Өнгөрсөн жил 100 мянган га талбайд 270 мянган тонн ногоон тэжээл бэлтгэсэн. Тэжээлийн нөөц нэмсэн учраас энэ өвөл мал аж ахуйн салбарт бэрхшээл бага гарсан. Атрын IV аяныг зарласан.

Мал аж ахуйн гаралтай түүхий эд нь хязгаарлагдмал нөөц буюу үнэтэй зах зээлд ордог. Манай улс дэлхийн ноолуурын 50 хувийг хангах боломжтой. Тиймээс энэ зах зээлд бид том тоглогч байх ёстой.

Дэлхийн ноолуурын зах зээлд 2,7 тэрбум долларын бизнес явагдаж байна. Манай улсын дээд рекорд 404 сая ам.долларын түвшинд хүрсэн. Бид одоо 1 тэрбум ам.доллар болгох зорилт тавьж байна. Ноолуураа 100 хувь угаагаад самнаж гаргах зорилт тавьсан. 5000 тонн цэвэр ноолуур гаргая гэж байгаа. Самнах хүчин чадлаа нэмэгдүүлэх ажлуудыг өнгөрсөн хугацаанд хийж гүйцэтгэсэн. 12 мянган тонн самнах хүчин чадал бүрэн  суурилагдаад дууссан. 

Зөвхөн угаах, самнах энэ технологийн хооронд 250 сая ам.долларын нэмүү өртөг, орлогын асуудал яригдаж байгаа юм. Түүхий ноолуурын үнэ 150-160 мянгад байна гэдэг тооцоолол байна" гэв.

Шууд дамжуулалтыг үзэх: