ОХУ-ын Ерөнхийлөгч Владимир Путин 160 мянган шинэ цэрэг татах зарлиг гаргалаа. Дөрөвдүгээр сарын 1-15-ны хооронд 18-30 настай иргэдийг цэрэгт татна. Гэхдээ шинэ цэргүүдийг дайн, байлдаан болж буй бүс нутаг руу илгээхгүй, Оросын хуулийн дагуу жилд хоёр явуулдаг цэрэг татлага болж байна хэмээн мэдэгдэв. Гэвч 160 гэдэг нь урьд өмнө байгаагүй их цэрэг татлага болж байгаа аж. 2023 онд цэрэг татлагын дээд насыг 27-гоос 30 болгон өөрчилсөн юм. Шинэ цэргүүдийг дайн болж буй Донецк, Луганск, Запорожье, Херсон руу илгээхгүй, ямар нэг тусгай ажиллагаанд оролцуулахгүй гэв. 2024 оны арванхоёрдугаар сарын байдлаар, Оросын армийн тоо бүрэлдэхүүн хоёр сая 389 мянгад хүрчээ. Тэдний нэг сая 500 мянга нь хугацаат цэргийн албан хаагч байна.