Мансуурах, согтуурах донтой хүнийг эмчлэхэд тулгамдаж буй асуудал, гарц гаргалгааг холбогдох байгууллагуудын төлөөллүүд хэлэлцэж байна. 

ГХУСЗАА-ийн дарга Л.Нямгэрэл: Мансуурах, согтуурах донтой хүнийг эмчлэх өнөөгийн нөхцөл байдлын талаар ярьж байна. Эрүүл мэндийн байгууллага, СЭМҮТ-өөр дамжуулж согтуурах, мансуурах донтой иргэдэд эмнэлгийн тусламж үйлчилгээ үзүүлдэг. Тус тусламж үйлчилгээг сайн дурын үндсэн дээр хийдэг. 

Харин албадлагын шинжтэй эмчилгээг хууль зүйн яамны харьяа шүүхийн шийдвэр гүйцэтгэх байгууллагын дэргэдэх албадан эмчлэх төвд хийдэг. Албадан эмчилгээний төвд шүүхийн шийдвэр гарч, албадан эмчилгээ хийлгэ гэсний дараа шүүхийн шийдвэр биелүүлэх гэж хийдэг. 

Олон жил согтуурах, мансуурах донтой хүнийг нийгэмшүүлэх асуудал, сайн дурын болон албадан эмчилгээнээс гараад очих газар байхгүй байна гэж олон жил ярилаа. 

Энэ үйлчилгээг зайлшгүй бий болгох шаардлагатай. Тиймээс өнөөдрийн хэлэлцүүлгийг хийж байна. 

Олон улсын сайн туршлагаас харахад энэ ажлыг олон нийтэд түшиглэж хийдэг. Аль нэгэн төрийн байгууллага дэргэдээ авах биш. Гэвч манай улсад хүний нөөц дутагдалтай байна. Тиймээс хүний нөөцөө яаралтай бэлдэх хэрэгтэй байгаа.

Мөн тодорхой төсөв хөрөнгө гаргаад дүүргүүдийн эмнэлэг, төвүүдэд түшиглэж төвөө байгуулах шаардлага тулгарч байна. Цаашлаад хууль тогтоомжид энэ төрлийн зохицуулалт оруулах шаардлагатай байна. 

Шууд дамжуулалт: