Хэнтий Сэлэнгэ аймгуудад гарсан ой хээрийн түймрийн цурамд оруулсан байна.

Хэнтий аймгийн Дэлгэрхаан сумын Хэрлэн тооно багийн “Хаяа” гэдэг газар /аймгийн төвөөс баруун зүгт 150 км, сумын төвөөс зүүн урд зүгт 24 км/ хээрийн гал түймэр гарсан тухай дуудлагыг 04.01-ний өдрийн 13:11 цагт хүлээн авсан байна.

Тус аймгийн Дэлгэрхаан сумын Засаг даргын Тамгын газрын ажилчид, орон нутгийн иргэд хээрийн гал түймрийг унтраах ажиллагааг зохион байгуулан ажиллаж 13:40 цагт цурамд оруулан, 15:30 цагт бүрэн унтраасан. Урьдчилсан байдлаар хээрийн гал түймэрт 8 га талбай өртөж шатжээ.

Сэлэнгэ аймгийн Баянгол сумын 3 дугаар багийн “Урт хамар” гэдэг газар /аймгийн төвөөс урд зүгт 187 км, сумын төвөөс зүүн урд зүгт 20 км/ хээрийн гал түймэр гарч байна гэсэн дуудлагыг 04.01-ний өдрийн 13:18 цагт хүлээн авсан байна.

Тус аймгийн Онцгой байдлын газрын Баянгол сум дахь 40 дүгээр ангийн алба хаагчид, сумын Засаг даргын Тамгын газрын ажилчид, орон нутгийн иргэд хээрийн гал түймрийг унтраах ажиллагааг зохион байгуулан ажиллаж 14:15 цагт цурамд оруулан, 15:27 цагт бүрэн унтраасан. Урьдчилсан байдлаар хээрийн гал түймэрт 21 га талбай өртөж шатсан гэж онцгой байдлыг газраас мэдээллээ.