2025 оныг “Боловсролыг дэмжих жил” болгон зарласан байна. Тус асуудлын талаараа Боловсролын сайд П.Наранбаяр мэдээлэл өглөө.

П.Наранбаяр Боловсролын сайд: Боловсролоос бүх зүйл хамаарч байдаг. Дэлхийн банкны хийсэн судалгаагаар бид боловсролдоо яг одоо хөрөнгө оруулж чадах юм бол эдийн засгийн өсөлт жилдээ 30 хувиар өсөхөд ойрхон байна.  2023 онд боловсролын багц хуулийг гаргаж, тухайн үеийн засгийн газрын гишүүдийн манлайллаар энэхүү ажил явсан. Нийгмийн дунд олон ч хэлэлцүүлэг хийгдсэн.

Боловсролын багц хуулийг цаашид амилуулах, хэрэгжүүлэх, боловсролын тэгш хүртээмжийн асуудал, хүүхдийн сурах таатай орчныг бүрдүүлэхэд чухал ач холбогдолтой гэдгийг онцолж хэлмээр байна. 

2025 оныг боловсролын жил болгосноор зургаан шинэчлэлийг төгөлдөржүүлнэ. Тодруулбал, Хөтөлбөрийн, үр дүнд суурилсан, санхүүжилтийн шинэчлэлт, цахимын шинэчлэл, багшийн гурван тулгуурт бодлого, багшийг дэмжих бодлого, цахим шилжилт гэх мэт үндсэн шинэчлэлтийг төгөлдөржүүлнэ. 

Гэхдээ хамгийн гол нь ерөнхий боловсролын сургууль, цэцэрлэгийн хүртээмжийг эрс нэмэгдүүлсэн хөрөнгө оруулалтыг нэмсэн жил болно гэдгийг хэлье.

2030 он гэхэд 88 мянгөн хүүхдээр нэмэгдэхээр байгаа. Энэ хүүхдүүдэд 108 сургууль, 95 цэцэрлэг хэрэгтэй байгаа. Тиймээс төсвийн хөрөнгө оруулалтыг сургууль, цэцэрлэг барьж байгуулахад түлхүү зарцуулна. 

Шууд дпамжуулалт: