Өчигдөр эдийн засгийн байнгын хороо хуралдаж, зээлийн мэдээллийн тухай хуульд нэмэлт өөрчлөлт оруулах хуулийн төслийг УИХ-аар хэлэлцэх эсэхийг дэмжсэн. Тус асуудлын талаар УИХ-ын гишүүн Э.Батшугараас тодрууллаа.

Э.Батшугар УИХ-ын гишүүн: Санхүүгийн зах зээлийг тэлж, хөгжингүй болгох юм. Өнөөдөр манайд үйлчилж байгаа систем дэндүү харгис байна. Ямар нэгэн байдлаар аж ахуйн нэгж, иргэн ямар нэгэн байдлаар зээлийн доголдол үүсгэхээр шууд зургаан жилийн санхүүгийн ял үүрүүлж байна.

Жишээ нь, Иргэн гар утасныхаа зээлийг төлөөгүй хоёр 7 хоног болоод хоцроод төлсөн ч гэсэн зургаан жилээр бүх банк санхүүгийн байгууллага үүд хаалгаа хаачихдаг. 

Энэ дэндүү харгис байна. Тиймээс эсрэгээрээ ард иргэд, аж ахуйн нэгжүүддээ ээлтэй, дэвшилтэд технологид суурилсан онооны системд оруулах гэж байгаа. 

Энэхүү онооны систем нэвтэрснээр хэд хэдэн эерэг зүйл гарна. Хамгийн чухал зүйл нь хар жагсаалт гэх зүйл байхгүй болно. Мөн зээлийн хүү буурах нөхцөл үүснэ. 

Онооны системд суурилсан 28 оронд судалгаа хийсэн. Тэгэхэд дунджаар зээлийн хүү нь 3.4-3.6 хувиар буурсан байсан. АНУ, Солонгос зэрэг орнууд онооны системд орсноор зээлийн хүү нь 2-4 хувиар буурсан үзүүлэлттэй байгаа.

Шууд дамжуулалт: