Өнөөдрийн засгийн газрын хуралдаанаар АТГ-ын даргыг улираан томилох шийд гарлаа. Тус асуудлын талаар УИХ дахь Монгол Ардын Намын Бүлгийн дэд дарга А.Ариунзаяагаас тодрууллаа.

А.Ариунзаяа УИХ дахь Монгол Ардын Намын Бүлгийн дэд дарга: Одоогийн байдлаар албан ёсны хариу, шийд УИХ-аас гараагүй байна. Хууль зүйн бодлогын байнгын хороо ч хуралдаагүй байгаа. 

Ерөнхий сайд Л.Оюун-Эрдэнэ бүрэн эрхийнхээ дагуу  АТГ-ын даргыг улираан сонгохоор санал оруулж ирж байгаа. Яагаад улираан томилох болсон талаараа улс төрийн намын бүлгүүдэд яг одоо танилцуулж байна. 

Өнөөдөр 11 цагт МАН-ын бүлэг хуралдаж, шийдвэр гаргасан. Яг одоо АН-ын бүлэг хуралдаж байна. Үүний дараа Хууль зүйн бодлогын байнгын хороо хуралдана. Харин маргааш УИХ-ын чуулганы хуралдаанаар тус асуудал орж ирэх төлөвлөгөөтэй байгаа. 

АТГ-ын үйл ажиллагааг зохицуулдаг бие даасан хууль байдаг. УИХ-аар томилогддог байгууллагын удирдлагыг тодорхой хугацаагаар буюу 6 жилээр сонгож 1 удаа улирааж болох хуулийн зохицуулалттай. Тийм учраас хуулийнхаа дагуу ерөнхий сайд Л.Оюун-Эрдэнэ АТГ-ын дарга З.Дашдавааг улираан томилох, нэг удаа сунгах саналтай байгаагаа танилцуулсан. Харин МАН-ын бүлгээс дэмжсэн шийд гаргасан. 

Шууд дамжуулалт: