Ерөнхий сайд Л.Оюун-Эрдэнэ АТГ-ын дарга З.Дашдавааг улираан томилох саналаа танилцуулсан. Харин тус асуудлын талаар УИХ-ын гишүүн Ч.Ундрамын байр суурийг тодрууллаа.

УИХ-ын гишүүн Ч.Ундрам: Авлигын төсөөллийн индексээр манай улс 121-т жагсаж, 100-аас 300 оноо авсан нь АТГ-ын дарга З.Дашдавааг та муу ажилласан байна гээд муу дүн тавьчихсан байна. Дэлхийн улс орнуудаас 121-т явж байна гээд дүн тавигдчихсан байхад энэ хүнийг дахиж улираан зургаан жил ажиллуулна гэдэг буруу гэж бодож байна.  Үүнээс гадна Засгийн газрын 5Ш ажиллагаа явж байгаа.

Жишээ нь, Шувуу ажиллагааны хүрээнд хэдэн хүнийг авч ирсэн бэ гэдэг асуудал ч хөндөгдөнө. Авилгалчид авлигын гэмт хэргээ үйлдээд гадаад руу зугтаад алга болчихоод байхад авчирч чадахгүй байна. Энэ ажлуудаа ч сайн хийж чадахгүй байхад дахин улираан томилу, зургаан жил ажиллууна гээд байгааг би огт ойлгохгүй байна. Үүний эсрэг байр суурьтай байна. 

Ерөнхий сайд бүрэн эрхийнхээ хүрээнд энэ хүнийг нэг удаа улираан сонгоё гэдэг саналыг оруулж ирж байна. Бүрэн эрхийнхээ хүрээнд санал оруулж ирж байгааг хүндэтгэж байгаа хэдий ч ард түмэн энэ хүнд дүнгээ тавьчихсан байхад бид дэмжих ёсгүй гэж бодож байна. 

Ногоон автобусны хэрэг зэргийг ард түмэн, сэтгүүлч нар л илрүүлсэн. Түүнээс АТГ газар гүйж очоод илрүүлээгүй. Ерөөсөө шийдэгдээгүй, хойшилдог, 2-3 жил болсон БЗС-ийн асуудал хэдэн жил болсон гэдгийг та бүхэн мэдэж байгаа. 

БЗС-аас бүх мэдээллийг нь аваад ч одоо хүртэл ажил болоогүй байна. 

Үргэлжлэлийг шууд үзэх: