УИХ-ын гишүүн П.Мөнхтулга Жолоочийн хариуцлагын албан журмын даатгалын тухай хуульд нэмэлт, өөрчлөлт оруулах хуулийн төсөл санаачилж буй талаараа мэдэлэл өглөө. Тэрээр хэлэхдээ:

Монгол Улсад сая гаруй жоооч байгаа. 2011 оны хуулиар авто машин барьж байгаа жолооч бүр заавал албан журмын даатгал төлдөг болсон.  Даатгалын шимтгэлийг  нь авчихаад, эргээд нөхөн төлбөр олгохдоо заавал цагдаа болон даатгалын шуурхай алба ирж, ослыг  гэрчилдэг. Тэд хүрч иртэл зам түгжирдэг.

Хоёр машин мөргөлдөж, куперын төлбөрөө даатгалаас авахын тулд түргэн тусламжийн машин, гал комдандын машинаас эхлээд 200-300 машин бүтэн гудамжаараа түгжирч, цагдаа хүлээж зогсдог. Цагдаа нар үүнд шүүмжлэлтэй ханддаг. Бид хүн мөргөөд зугтаачихсан, согтуугаар тээврийн хэрэгсэл барьсан, ослын газраас зугтаасан, орон нутгийн зам дээр гарсан автын осол зэрэг томоохон хэргүүд дээрээ ажилламаар байдаг. Өдөржингөө зам зохицуулах ажилтай. Гэтэл мөргөлдсөн хоёр машины гомдлыг барагдуулахад хамаг цаг заваа барж байна гэсэн гомдол хэлдэг.

Даатгалын хуулийг харахад, заавал цагдаа ирж баталгаажуулна гээд заачихсан байгаа юм. Замын хөдөлгөөний дүрмийн 3.5 дээр "хэрэв хоёр жолооч хоорондоо учраа олоод, тохиролцох боломжтой бол хэргийн газраас хөдлөөд явж болно. Гагцхүү хүний эрүүл мэнд, эд хөрөнгийг үлэмж хэмжээгээр хохироосон байж болохгүй" гэж заасан байдаг. Албан журмаар даатгалын шимтгэл авсан бол эргээд асуудалгүй төлдөг зохицуулалт хийхээр энэ төслийг санаачилж байна.

Орчин үед хүн бүр гар утастай, тээврийн хэрэгслүүд нь хар хайрцагтай болчихсон учраас гэрчлэгдэх бүрэн боломжтой. Тэгэхээр заавал цагдааг ирүүлж, хоёр гурваараа цагдаагийн үүдэнд очиж хэрэлддэгээ больё оо.

Жолооч нар цагдаа дуудаад, тухайн ослыг бүртгүүлчихээр заавал 100 мянгаар Зөрчлийн хуулиар торгуулж, заавал үнэмлэхнийхээ онооноос хасуулах гээд байдаг. Тэгэхээр иргэдэд нэг бол Зөрчлийн хуулиар торгуулаад, онооноосоо хасуул, нэг бол Даатгалаасаа нөхөн төлбөр гаргуул гэсэн сонголт учирч байгаа юм. Монгол Улсын хэмжээнд жилдээ 6000 зам тээврийн осол гарч байна. Үүний 40 хувь нь орон нутагт хамаардаг. Энэ бүхнийг түргэн шуурхай шийддэг болъё, авсан бол буцаагаад өгчихдөг даатгалын системтэй болъё гэж байгаа юм гэлээ.

Шууд дамжуулалт үзэх холбоос: https://www.facebook.com/share/v/1BHnzmeenx/