УИХ-ын гишүүн Б.Энхбаяр Авлигатай тэмцэх газрын дарга З.Дашдавааг улираан томилох асуудлыг хэлэлцэх үеэр "7.5 тэрбум төгрөгийн авлигын мөнгийг сейфэндээ хадгалж байгаад баригдсан С.Батдөл Шүүхийн шийдвэр гүйцэтгэх ерөнхий газрын (ШШГЕГ) харьяа Богд уулын амралтын газар ялаа эдэлж байна. Засгийн газар яагаад ийм байдалд байна вэ? Энэ хүнийг амралтын газар амрааж байгаа нь мөнгө мэддэг сайд байна гэсэн үг. Амрааж байгаа хүнээ олж шийтгээрэй" хэмээн байр сууриа илэрхийлсэн. Уг асуудлаар ХЗДХ-ийн сайд О.Алтангэрэлээс тодрууллаа.

Тэрээр "Хэн нэгэн хоригдлоос болж нэмэгддэг байгууллагын төсөв гэж байхгүй. Шүүхийн шийдвэр гүйцэтгэх ерөнхий газар 20 гаруй хорих ангитай. Гэтэл энэ байгууллагын төсвийг сүүлийн 10 жил нэмээгүй. Одоо бүх хорих ангиуд муудсан. Дээврээс нь дусаал дусаж, хоригдлууд нэг дор олуулаа байдаг, албан хаагчдынх нь цалин хангамж нэмэгдээгүй, техник хэрэгсэл дутагдалтай гээд олон асуудал бий. Энэ байдал дээр судалгаа хийгээд төсөв батлуулсан. Одоо шүүхийн шийдвэр гүйцэтгэх байгууллагууд олон жил хийгээгүй шинэчлэл хийж байна. 

Б.Энхбаяр гишүүний мэдэгдлийн дагуу асуудлыг тодруулж байгаа. Хэн нэгэн хүнд давуу байдал олгосон бол холбогдох албан тушаалтнуудад хуулийн хариуцлага хүлээлгэнэ. ШШГЕГ-ын харъяа амралтын газар бол байдаг. Тэнд Б.Энхбаяр гишүүний ярьдаг шиг асуудал болсон уу гэдгийг тодруулж байгаа" гэв. 

Шууд дамжуулалтыг үзэх: